Күндөрдүн биринде Имам Аазам жолдо баратып, алдынан чыккан уйга жол берип четке чыгат. Чогуу келаткан шакирттери:

– Устат, эмне үчүн уйга жол бердиңиз? – деп сурашат.

Анда Имам Аазам:

– Анын мүйүзү, ал эми менин акылым бар – деген экен.

***

Сот ууруга кайрылып:

– Кана, айтчы, дүкөнгө кантип кирдиң? – дейт.

Ууру бир саамга ойлонуп:

– Мырзам, мен бул жерге соттолгону келдимби, же кесибимдин сырын ачып берүүгөбү? – деп жооп берген экен.

***

– Эмне үчүн көрүстөнгө көп барасыз? - деген суроого Азирети Али мындай деп жооп бериптир:

– Эки себеби бар. Биринчиси, алар (көрүстөндөгүлөр) айткан сөздөрүмө каршы чыгышпайт, экинчиси, артымдан сөз агытышпайт.

***

Эл Ибн Синага кайрылып:

– Бул дүйнөдө дабаасы жок дарт барбы? – деп сурашат.

Анда ал:

– Дабаасыз дарт – бул жакшынын жаманга муктаж болгону – деп жооп кайтарган экен.

***

Бир христиан адам Ахмад Вафикке:

– Мечиттериңерди эмне үчүн арча менен аластабайсыңар? – деген суроо менен кайрылып, андан төмөнкү жоопту алган экен:

– Биздикилер такай даарат менен жүрүшөт. Мечитте жел чыгарышпайт. Ошондуктан арча күйгүзбөйбүз.

***

Күндөрдүн биринде бир бай адам Ислам аалымдарынан бирине:

– Менин миң алтыным бар. Аларды сизге берсем, эмне дейсиз? – дейт.

Анда аалым: