Баарыбыз чыдамсыздык менен күткөн жаз мезгилинин алгачкы айынын алгачкы күндөрүндө сиздер менен кайрадан жүз көрүшүп турганыбызга абдан кубанычтабыз.

Ак Башат маалымат булагы бул санда «АКЫРЕТ» темасын кеңири талкууга алды. Өзүңүздөргө маалым болгондой бул сандан акыретке ишенгендер «эмне баар табат, ишенбегендер эмне жоготот» деген сыяктуу жүрөктү өйүп жүргөн суроолорго жооп аласыздар.

Бул сандагы экинчи бир маанилүү маселе катары алдыбыздагы «куттуу жумалык» аземине карата Сүйүктүү Пайгамбарыбыздын бейнесин чагылдырган макалаларга, адабий чыгармалардан келтирилген үзүндүлөргө орун бердик. Анткени биз бул макалар аркылуу Азирети Пайгамбарыбызды кантип ээрчүү керектигин, канткенде ага татыктуу үммөт болуп, канткенде анык мусулман боло алаарыбызды үйрөнөбүз, Кудай буйруса.

Ушу аталган күн тартибиндеги эки маанилүү маселелерден башка дагы купулуңуздарга толо турган көптөгөн макалаларды жана Кыргыз Республикасынын маданият жана маалымат министри Султан Акимович Раев менен болгон кызыктуу төр маекти окуй аласыздар.