Кудай буйруп биз мусулмандардын жаңы жылынын босого- сун аттап, 1430-жылга да кирип келдик. Тагыраак айткан- да, 2008-жылдын 29-декабрь күнү хижрий мусулман жылсанагынын алгачкы күнү 1-мухаррам айы жаңырып олтурат. Мүмкүнчүлүктөн пайдаланып жалпы мусулман коомчулугун жаңы жылы менен кут- туктап кетмекчибиз. Жараткан Алла үстүбүздөгү жаңырган жылды берекелүү, ийгиликтүү жылдардан кылсын.

Өткөн 2008-жыл Ак Башат журналы үчүн бир кыйла жемиштүү жылдардан болду. Эң негизгиси орчундуу, нары эл-журт үчүн за- рыл болгон жагдайларды кеңири түшүндүрүүнү максат кылган бир топ жаңы, туруктуу рубрикалар ачылды. Төр маек, бир суроо, Ис- лам жана илим, ден-соолук, саамалык, акылмандар накылы сыяктуу рубрикаларды айтууга болот. Кудай буйруса, муну менен эле ток- топ калбастан алдыда дагы көптөгөн изги максаттарды сиздерге сунабыз деп терең ишендирип кетмекчимин.

Окурмандардан келип жаткан талаптар боюнча Ак Башаттын нускасын көбөйтүп, бардык элет жерине жеткирүү максатын ушул жылы жүзөгө ашырууну көздөп жатабыз. Биз бул санда ИШЕНИМ маселесин козгодук. Анткени бүт нер- сенин түйүнү, сыры, себеби мына ушул маселеге келип такалууда.

Айлананы карап көрсөк Алла ыраазы боло турган бардык жак- шы иштер ишенимдин бекемдиги, ыймандын күчтүүлүгүнөн, ал эми адамгерчиликке жатпаган жана жагымсыз жаман иш-аракеттер, кылмыш, сойкулук, паракорчулук, уурулук, талап-тоноочулуктун баары Аллага болгон ишенимдин тайыздыгынан же чылгый ишеним- сиздиктен болуп жатат. Биз бул маселени жаңырган жылдын бо- согосунда мекендештерибиздин ыйманына дем болор, ишеними тайыздардын ыйманы артаар деген максатта кеңири түшүндүрүүгө аракет жасадык.