Жолоочулардын бири убагы өтүп кете электе намаз окуп алуу үчүн бираз токтой турууну шопурдан өтүнөт. Шашкалактаган шопур:

– Каза кылып койо бериңиз, – деп токтогусу келбейт. Жолоочу шопурдун жүзүнө карап мындай деп жооп берген экен:

-Мен каза кылганга чейин сен кырсыкка учурап калбайсыңбы кокус?!

Сопулардын бири олуя зат менен сукбатташып олтуруп мындай дейт:

– Бейиштен кичинекей эле ордум болсо мага жетмек.

Мыйыгынан жылмайган олуя ибараттуу жооп кайтарат:

– Атаганат, о дүйнөлүк үчүн көрсөткөн канааттуулугуңду бул дүйнө үчүн дагы көрсөтө алсаң сонун болмок.

Кантип өзүңүздү бактылуу сезип жүрөсүз? деген суроого Толстой минтип жооп берген экен:

– Колумдагы нерселерге топук кылып, менде жок нерселерди ойлобой койсом өзүмдү бактылуу сезем.

Берлинден кайткан бир аалымга суроо узатышат:

– Берлин кандай экен, кандай өзгөчөлүктөрү бар дегендей?

Аалымдын жообу мындай болуптур:

– Мен билгенден алардын иштери биздин диндей бекем, диндери болсо иштерибиз сыяктуу бошоң экен.

– Адептүүлүктү кимден үйрөндүңүз? деген суроого Азирети Улукман аким мындай деп жооп узаткан экен: –